MNF in Chhung Inkhawm an nei leh tan

MNF Party chuan Covid hripui avanga kum khat leh thla 10 zet Chhung Inkhawm an neih tawh loh hnuah nimin khan Aizawl-a Mizo Hnam Run-ah Chhung Inkhawm an nei leh tan ta.

Nimin-a Mizo Hnam Run-a Chhung Inkhawm an neih ah hian School Education Minister Lalchhandama Ralte chuan thu sawiin MNF chu a inti neitu a piang ta a ni tih sawiin, “Kan hriat theuh angin hripui chuan khawvel, India leh Mizoram thlengin nasa takin min nuai a. Kan State bik phei chu ramri buai nen economic blockade nen a inkawp nghal a. Myanmar lam kan unaute an politics buai avangin a sang tel an rawn tlanchhia a, hun thim leh hun harsa karah pawh buaipuiin Vawk pulhhri nen lam a leng a ni,” a ti a. Hun thim leh hun harsa kan tawh lai hian hruaitu tha tak Chief Minister kan nei chu kan vannei hle tih sawiin, “ Kan hotupa ber hian Pathian bel chungin ram a hruai a, a ding leh veiah pawh NGO leh kohhran hruaitute a hmang thiam a, a thutpui Ministry leh Official-te a hmang thiam hle bawk. Opposition-ten Social Media-ah kan hotute hi bei bei thin mahse, an nghing ngai lo,” a ti bawk.

He hunah hian Lalchhandama Ralte hian Vanlalsawma (MCS Rtd), Chawnpui Veng, Aizawl chu MNF-ah a lawmlut nghal a ni.

Comments

Popular News (Last 30 Days)

Serchhip DCSO sawn a ni