Sawrkar hnathawk te hriat tur tichhuak thar leh

Mizoram sawrkar chuan ‘Rule 9 CCS (Conduct) Rules,1964’ chu sawrkar hnathawk ten an hriat thar turin tunhnai khan a tichhuak.

Hemi chungchanga October 28, 2021-a sawrkar thuchhuah chuan October 4, 2021-a Secretaries Meeting in thutlukna lo siam tawh angin, sawrkar hnathawkte hriat thar leh atan ‘Rule 9 of CCS of CCS(Conduct) Rules, 1964’ hi tihchhuah leh a ni tih tarlangin, Sawrkar sawisel chungchang ah Sawrkar hnathawk tumahin Radio leh Electronic Media (TV etc) kaltlangin emaw, lehkha reng reng ama hmingin emaw, tu hming nge tih hriat loh/awm lovin emaw, hming lem invuah in emaw, midang hming in emaw, a chhuahin emaw, Press-ah thawnin emaw, vantlang hmaa puangchhuakin emaw, a ngaihdan emaw, thudik tak sawina pawh nise la heng a hnuaia tarlante hi chu alo sawi ve tur a ni lo tih an tarlang.

(i) Central Sawrkar emaw, State Sawrkar emaw-in policy a neih kallai emaw, tunhnaia a neih emaw, a thil tih (action) neih a tha lo zawnga nghawng nei thei tura sawichhiatna leh sawselna lam reng reng.

Amaherawhchu, Sawrkar hnathawk, Rule 1(3) hnuaia proviso hnihna huam tel tawh phawtte chungchangah chuan an hnathawh dinhmun humhalh nan leh hmasawn zel nana Sawrkar hnathawkte'n Trade Union emaw, Association emaw, Office Bearer an nihna anga an ngaihdan/ thlirdan an sawi chungchang chu he khapna dan hian a huam lo ang.

(ii) Central Sawrkar leh eng State Sawrkar pawh ni se la, an inkara inlaichhinna tha awm tibuai/tichhe thei zawnga sawiselna neih reng reng.

(iii) Central Sawrkar leh ramdang (foreign State)-inkara inlaichinna tha tibuai/tichhe thei zawnga sawiselna neih reng reng. Amaherawhchu, he dan hian Sawrkar hnathawkin a hnena mawhphurhna pek a thawhna leh sawrkar hnathawk anihna anga a sawi ngai te a sawi reng reng a huam lovang.

Comments

Popular News (Last 30 Days)

Serchhip DCSO sawn a ni