Aizawl atanga AR te chhuah hun tur la hrelo

Assam Rifles-ten Aizawl khawpui laili an chhuahsan hun tur Revenue Separtment-in la hre lovin Aizawl hmun laili a Assam Rifles-te chhuahsan tur hmunah LSC nei mi 54 an awm a, chung zinga mi pasarih chuan an LSC sawrkar-ah an surrender tawh.

Revenue Department-in RTI zawhna a chhan danin, Assam Rifles-ten Zokhawsang an la luah loh chhan leh tuna an awm mekna, Aizawl hmun laili an chhuahsan hun tur Revenue Department chuan a hre lo a, an chhuahsan tur ram chawibawl/hman tangkai dan turah engang ruahmanna nge sawrkarin a neih tawh tih a hre lo bawk. Assam Rifles chhuahsan tur hmuna LSC neite chu dan anga cancel theih a ni tih Revenue Depatment-in RTI a chhannaah chuan tarlan ni bawkin, hetihlai hian cancel tura hmalakna a awm leh awm loh erawh an hre lo thung.

Assam Rifles-ten an chhuahsan tur, Aizawl laili-a LSC nei mi 54 zingah hian an LSC Revenue Department-a surrender tawh mi pasarih an awm a, LSC 54 zinga 20-te chu chhiah (tax) pe ngai lo niin, chungte chu an LSC chhunga building awm lo an ni tlangpui vek a, chhiah pe thin tarlante pawh an chhiah pek hnuhnung ber chu kum 2019 a ni vek bawk.

Assam Rifles hmuna LSC awm chungchangah hian Court-a thubuai awm a awm leh awm loh Revenue Department chuan an hre lo a, RTI chhanna atanga a lan danin, LSC nei hmasa ber mi pathumin kum 1970-ah an nei a, kum 2006-a LSC nei pahnih awmin kum 2006 hnu lamah LSC nei thar an awm tawh lo a ni. (zalen)

Comments

Popular News (Last 30 Days)

Serchhip DCSO sawn a ni