Hri kai 730 hmuh belh leh

Thawhtanni khan Mizoram-ah Sample enfiah pung leh hretin 6609 enfiah a ni a, heng atang hian COVID-19 hri kai mi 730 hmuhchhuah leh niin Sample enfiah atanga za zela 11.04 te chuan hri an kai a ni.

Niminpiah khan ZMC-a RT-PCR Laboratory-ah Sample 595 enfiah niin heng atang hian COVID-19 hri kai mi 128 hmuh leh an ni a, an vai hian Aizawl District atanga Sample lak niin Ratu khua ah hri kai mi 13 leh Darlawn khua ah 12 hmuh an ni a, a bak hi Veng leh khua 28 atanga hri kai hmuh te an ni. Fluorescent Immunoassay Test hmangin Aizawl ah Sample 137 enfiah ni bawkin heng atang hian hri kai mi 15 hmuh an ni a, an vai hian Aizawl khawpui chhung ami te an ni bawk.

Mizoram District hrang hranga TrueNat Laboratory 11-ah Sample 417 enfiah ni bawkin heng atang hian hri kai mi 84 zet hmuh an ni bawk a, an zinga 32 te chu Lunglei District atanga hri kai hmuh te niin Champhai District-ah 16, Siaha District-ah 12, Serchhip District-ah 10, Mamit District-ah 10, Lawngtlai District-ah pahnih leh Aizawl leh Hnahthial District atangin hri kai mi pakhat ve ve hmuh an ni bawk.

Niminpiah khan Rapid Antigen Test hmangin Sample 5460 enfiah ni bawkin heng atang hian hri kai mi 503 hmuh an ni bawk a, an zinga 205 te chu Aizawl District atanga hri kai hmuh te niin Lunglei District-ah 61, Champhai District-ah 53, Serchhip District-ah 49, Kolasib District-ah 41, Siaha District-ah 33, Mamit District-ah 23, Lawngtlai District-ah 14, Hnahthial District-ah 11, Saitual District-ah 8 leh Khaw-zawl District-ah hri kai mi 5 hmuh an ni.

Nimin khan tlai dar 5:00 thlengin hri kai mi 289 enkawl dam an ni a, nimin tlai thlenga Mizoram-a hri kai hmuh tawh chu 1,25,861 niin an zinga 1,19,990 (95.34%) enkawl dam ni tawhin enkawllai 5420 leh thi 451 an awm tawh a ni.

Comments

Popular News (Last 30 Days)

Serchhip DCSO sawn a ni