Mizoram-ah hri kai hmuhchhuah tlahniam hret

/

Mizoram-ah COVID-19 hri kai hmuhchhuah tlahniam ve zelin niminpiah khan Sample 5168 enfiah niin heng te atang hian COVID-19 hri kai mi 526 hmuh leh an ni.

Niminpiah khan ZMC-a RT-PCR Laboratory-ah Sample 528 enfiah niin heng te hi Aizawl District leh Mamit District atanga Sample lak a ni a, heng atang hian hri kai mi 69 hmuh niin an zinga 68 te chu Aizawl District ami leh Mamit District atangin hri kai mi pakhat hmuh an ni bawk. Aizawl District-ah hian Veng khat a hri kai mi 10 hmuhchhuah tlinna a awm lo a ni. Fluorescent Immunoassay Test hmangin Aizawl leh Serchhip District-ah Sample 116 enfiah niin hri kai mi 12 hmuh an ni bawk a, Aizawl khawpui chhung ami te vek an ni.

Niminpiah khan District 9-a TrueNat Laboratory-ah Sample 392 enfiah ni bawkin hri kai mi 78 hmuh an ni bawk a, an zinga 43 te chu Champhai District ami niin Kelkang khua ah hri kai mi 33 hmuh an ni a, Lunglei District-ah 15, Mamit District-ah 12, Serchhip District-ah 5, Lawngtlai District-ah 2 leh Aizawl District-ah hri kai mi pakhat hmuh an ni bawk.

Heng bakah hian Kolasib tihloh District dang zawngah Rapid Antigen Test hmangin Sample 4132 enfiah ni bawkin hri kai mi 367 hmuh an ni a, an zinga 181 te chu Aizawl District-a hri kai hmuhchhuah te niin Serchhip District-ah 50, Lunglei District-ah 49, Champhai District-ah 33, Lawngtlai District-ah 12, Saitual District-ah 11, Siaha District-ah 10, Hnahthial District-ah 5 leh Khawzawl District-ah 4 hmuh an ni bawk.

Nimin khan tlai dar 5:00 thlengin Mizoram-a hri kai mi 536 te chu enkawl dam an ni leh a, heti hian nimin tlai dar 5:00 thlenga hri kai hmuh tawh chu 1,23,518 niin an zinga 1,17,184 te enkawl dam an ni tawh a, hei hi hri kai hmuhchhuah atangin zaa 94.87 dam ang niin enkawllai 5896 awmin hri kai mi 440 an boral tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »