Latest News

Council of Minister thukhawm in Lunglei Municipal Council din tura rawtna an pawm

Chief Minister Zoramthanga hova Council of Minister thukhawm chuan Lunglei Municipal Council din tura rawtna lut chu pawm.

Nimin khan Chief Minister Zoramthanga hovin CM Conference Hall-ah Council of Ministers thutkhawm hi neih a ni a, he hunah hian Department hrang hrang atanga thu ngaihtuah tur pawimawhte an sawiho a, Lunglei Municipal Council din tura rawtna lut chu pawm niin Lunglei Municipal Council din tura rawtna hi April ni 6, 2021-a Council of Minister thutkhawm tumin Agenda-ah dah a lo ni tawh a, Technical lamah fello a awm avangin hnuhkir a ni a. Thil fello te siamthat a nih hnuah leh UD&PA Minister hova Lunglei lam MLA ten an thlirho hnuah nimin-a Council of Minister thukhawm chuan rawtna siam te pawm a ni a. Thudawnna in a tarlan danin Lunglei-a Municipal Council din turah hian Lunglei chu Ward 11-ah then a ni a, a bultanna atan 2021 - 2022 Financial Year ah cheng nuai 80 dah a ni bawk.

Council of Minister thukhawm hian UD&PA Department atanga lut Mizoram Municipalities (Facilities to Mayor, Deputy Mayor, Chairman Vice Chairman and Councillors) (Amendment) Rules, 2021 chu pawm bawkin, DP&AR atanga lut Administrative Reforms Committee Volume-2 report leh rawtna te chu a thuphunga pawm a ni bawk.

Heng bakah hian PWD atanga lut Mizoram Road Fund (Amendment) Bill, 2021 chu pawm niin, Tourism Department in ngaihtuah tura an thehluh Draft Mizoram Aero Sports (Amendment) Rules, 2021 leh Draft Mizoram Registration of Tourist Trade (Amendment) Rules, 2021 pawh pawm a ni a. Finance Department atanga Mizoram Finance Commission (Salaries and allowances) Rules, 2010 siamthat te, Kolasib Rural WATSAN Sub-Division chu Kawnpui WATSAN Sub-Division a hming thlak leh Kolasib atanga Kawnpui-a Headquarter thlak te, Kolasib Maintenance Sub-Division chu Kolasib WATSAN Sub-Division tia thlak tura PHED in an putluh chu pawm a ni a. Commerce & Industries department in Mizoram Ease of Doing Business Bill, 2021 a lut chu pawm a ni a. DP&AR atanga lut Draft Mizoram Stenographer Service Rules, 2021 te, Draft Mizoram Subordinate Stenographer Service Rules, 2021 te, Draft Mizoram Engineering Service (Department Examination) Regulations 2021 leh Draft Mizoram Ministerial Service Rules, 2021 te chu pawm a ni bawk.

Comments

Popular News (Last 30 Days)