Ni khat-a hri kai hmuh tlahniam hlei thei lo

Mizoram-ah ni khat-a COVID-19 hri kai hmuhchhuah zat chu a tlahniam chak thei meuh rihlo niin a lang a. Niminpiah khan Mizoram ah 4780 enfiah niin heng atang hian hri kai mi 531 hmuhchhuah niin Sample enfiah atanga za zela 11.11 te chuan hri an kai a ni.

Niminpiah khan ZMC-a RT-PCR Laboratory-ah Sample 455 enfiah niin heng atang hian hri kai mi 96 hmuhchhuah an ni a, an vai hian Aizawl District-a Sample lak te niin hri kai hmuh tamna ber Seling khua atangin hri kai mi 12 hmuh an ni a, a bak hi Veng leh khua 23 ami te niin Veng mal-a hri kai mi 5 aia tam hmuhna dang a awm lo a ni. Fluorescent Immunoassay Test hmanga Aizawl District-a Sample enfiah 14 atangin hri kai mi 5 hmuh an ni bawk a, an vaiin Aizawl khawpui chhung ami te an ni.

Mizoram District hrang hrang 8-a TrueNat Laboratory-ah pawh Sample 183 enfiah ni bawkin heng atang hian hri kai mi 42 hmuh an ni a, Lunglei District-ah 15, Champhai District-ah 9, Mamit District-ah 7, Saitual District-ah 5 leh Kolasib leh Serchhip District-ah hri kai mi 3 ve ve hmuh an ni bawk.

Rapid Antigen Test hmangin niminpiah khan Mizoram-ah Sample 4128 enfiah niin hri kai 415 hmuhchhuah an ni bawk a, an zinga 170 te chu Aizawl District-a hri kai hmuhchhuah niin Lunglei District-ah 62, Lawngtlai District-ah 47, Kolasib District-ah 33, Serchhip District-ah 30, Mamit District-ah 23, Hnahthial District-ah 14, Saitual District-ah 12, Siaha leh Champhai District-ah 11 ve ve leh Khawzawl District-ah hri kai mi pahnih hmuh an ni bawk.

Nimin khan Mizoram-ah tlai dar 5:00 thlengin hri kai mi 422 te enkawl dam an ni a, nimin tlai dar 5:00 thlenga Mizoram-a hri kai hmuh tawh chu 1,26,917 niin an zinga 1,20,944 (95.29%) te enkawl dam an ni tawh a, hri kai enkawllai 5517 la awmin nimin khan tlai dar 5:00 thlengin hri kai zingah boral an awm belh lo a ni.

Comments

Popular News (Last 30 Days)

Serchhip DCSO sawn a ni