Chanchin thar thenkhat :

CS in Governor a hmu

Mizoram Chief Secretary thar, Dr. Renu Sharma chuan nimin khan Governor Hari Babu Kambhampati chu Aizawl-a Raj Bhavan-ah a hmu a. He hunah hian Chief Secretary chuan Mizo-ram sawrkar hmalakna hrang hrang leh thil pawimawh dang te Governor hi a sawi pui a ni.


Vijay Diwas hman dan tur rel

India in kum 1971 indona-a Pakistan a hnehna ni champha, Vijay Diwas lawm dan tur chu nimin khan Home Secretary, Vanlalngaihsaka IAS hovin a Office Chamber-ah rel a ni a, Vijay Diwas hi December 16-ah kumtin lawm thin niin, India Sipai, Hnam chhantute zahna chibai buk thin a ni. Kumin Vijay Diwas-ah hian Aizawl Treasury Square-a War Memorial-ah Governor leh Chif Minister bakah sawrkar mi pawimawh dang ten zahna chibai leh Pangpar an hlan anga, Talk Show neih tura ruahman ni bawkin hetah hian Indopui a tel sipai ten hun an hmang dawn a ni. Vijay Diwas pual hian Governor thuchah puan a ni bawk ang.


Draft E. Roll tarchhuak

Nakum January ni 1-a kum 18 tling chin te laa Electoral Roll siamthat hna thawh tur atan nimin khan 4-Tuirial (ST) Assembly Constituency Draft Electoral Roll chu Kolasib District Election Officer Dr. H. Lalthlangliana chuan a tlang-zarh a, Draft Roll-a a lan danin Tuirial bial-ah hian Polling Station 26 awmin Vote nei mipa 8,818 leh hmeichhia 9,092, an vaiin17,910 an awm a ni. Tuirial bial-ah hian bye-election neih a nih avangin hmundanga Draft Roll tarchhuah a nih rualin tarchhuah a ni ve lo a ni.


Siaha-ah zirlai mi 4 tanpui

Poor Students Trust Society of Siaha District in zirlai tanpuina pek tura a thlanchhuah mi 4 te hnenah nimin khan tanpuina hlan a ni a, heng zirlai thlanchhuah te hi mipa 4 leh hmeichhia pakhat niin zirlai thiam thei tak, chhungkaw harsa tak atanga Professional Course (B.Tech) zirlai mi pathum leh zir tan tur pakhat te an ni.


Motor hawh hlanna nei

Mizoram sawrkar-a Transports Department in Dan ang taka inremna siama Champhai Sub-Hqrs. YMA hnena Ambulance leh Motor hnuhchhuahna (Recovery Van) a hawh tir Pathian hnena hlanna leh lawmthu sawina chu nimin khan Champhai-a Sub-Hqrs. YMA Hall-ah neih a ni a, he hun hi Transport Minister TJ. Lalnuntluanga chuan a hmanpui a ni. October ni 26, 2021 khan Transport Director Er. Lalrammawia leh Champhai Sub-Hqrs. YMA aiawhin an President F. Lalrinmuana te chuan hemi atan hian hming an lo ziak fel tawh a ni.


Hri danna pek dan tur sawiho

Nimin khan Lawngtlai-ah District Bawrh-sap Andrew H. Vanlaldika hovin Lawngtlai District chhunga COVID-19 hri danna (vaccine) la pek lohna khua leh pek hmaih te hrut nawn tura Vaccination Mop-up kalpui dan tur sawiho a ni a. Lawngtlai District chhunga khaw 198 zingah Fur laia tlawhpawh a harsat vang leh Vaccination Site siam a rem loh avanga la kal lohna khaw 41 awmin heng khua te hi Nov. 9 atang khian kal chilhin hri danna pek runpui hi neih a ni dawn a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man