Keitum khua in Health Worker sawn tur dang

Zonuna Kawlni /

Health & Wellness Centre, Keitum-a Health Workers (M) thawklai RC. Laldailova s/o Lian-zuala (L) chu Bairabi-ah sawn niin nimin-a Joining Report pe tura a kal tur chu Keitum MSU te hmalakna in dan a ni.

Hemi chungchanga MSU Sub-Hqrs. Keitum in thuchhuah siama an tarlan danin RC. Laldailova hian Dec. 14, 2007 khan Health & Family Welfare Department, Mizoram in District hrang hrang Health Worker tha a thlan ah Serchhip District atanga Health Worker thawk tha berah thlan niin March 24, 2009 khan Best DOT Provider chawimawina a lo dawn tawh bakah Serchhip District-ah Malaria lama thawk tha chawimawina, Best Performance Award chu kum 2020 khan a lo dawng tawh bawk a. Hei mai bakah hian Booth Level Officer (BLO) niin kum 2013 leh 2014 khan Hrangturzo Constituency-ah Best BLO atana thlan a lo ni tawh bawk a ni.

Hetianga mahni hnaa rinawm leh thawk tha Keitum khaw mi ngei an khua atanga sawn a ni chu pawi an tih thu leh an ngaih thiamloh thu MSU te chuan sawiin, he Order hi sut leh a nih theih nan a changtu Minister pawh an hmuh tawh thu leh hmalakna engmah hriat a ni lo tih an sawi a. Hei vang hian Joining Report pe tura Bairabi a pan chu rem ti lovin MSU Sub-Hqrs. Keitum te bultumin khawtlang mipuite leh NGO hruaitute nen an dang tih an sawi a. RC. Laldailova chu a post ngai-a dah leh tur hian Mizoram sawr-kar an phut thu pawh sawiin, an thilphut hi a hlawhtlin hma loh chuan hma an la zel dawn tih an sawi bawk.

Comments

Post a Comment

I ngaihdan i sawi hian mipui ngaihdan i tarlang a ni!

Popular News (Last 30 Days)

Kawng siam dawn hnai

Zonuna Kawlni /
Image
National Highway-02 siam a nih hnuah he kawngpui in Serchhip Town chhunga a paltlang tawh loh, Chhiahtlang leh Serchhip khawpui chhung kawngpui siamthat hna chu PWD Serchhip Division ten an thawk dawn hnai nia thudawn niin hemi atan hian sum pawh ruahman a ni tawh nia thudawn a ni a. Tun tumah hian khawpui chhung paltlangtu Kikawn leh Sailiamkawn inkar chu Bituminous concrete a siam tum niin kawng siam hi zawhfel a nih hnuah chuan thla ruk (6) chhung Road cutting phalna pekchhuah a ni dawn lo a ni. Tun tuma kawng siam hna thawh turah hian New Serchhip North VC huamchhunga kawng kual nasa lutuk chu paih turin ruahmanna siam a ni bawk nia thudawn a ni.
Kimchang zawkin »

SEDBA hruaitu an thlang

Zonuna Kawlni /
Image
Serchhip District Boxing Association chuan kum 2026-2028 chhunga an hruaitu thlanna neiin President-ah C. Biakchhawna (New Serchhip) Sr. Vice President-ah BC. Liantluanga (Tuikhuah Veng); Vice President-ah R. Vanlalpeka (Vengchung), Secretary-ah David Laldintluanga (New Serchhip) Joint Secretary-ah T. Lalhuthanga (New Serchhip) leh V. Zosangliana (Leisang Veng); Treasurer-ah Prem Lalhmangaiha (Chanmari Veng) leh Fin. Secretary-ah David Lalrinmawia (P&E Veng) te thlan an ni.
Kimchang zawkin »

DIET Serchhip ten an titha

Zonuna Kawlni /
Image
Mizoram Board of School Education (MBSE) chuan nikum (2025) December thlaa Diploma in Elementary Education (D.EI.Ed) Examination a buatsaih result chu niminpiah khan a tichhuak a. District Institute of Education and Training (DIET) Serchhip-a Training mek te pawh an tha thawkhat a ni. DIET Serchhip atang hian 1st Semester-ah zirlai 48 ten Exam beiin mi 39 an pass a, a za zela 81.25 pass ang niin zirlai 9 ten Subject bat an nei a. 3rd Semester-ah zirlai 49 ten exam beiin an vaiin an pass vek thung a ni.
Kimchang zawkin »