Serchhip damdawi In-a naute boral sawifiah

 PRESS RELEASE

Ni 31.10.2021 zan dar 8:30-a District Hospital Serchhip-a a fa, nausen boral ta boral chhana thawktu Doctor leh Staff Nurse te inthlahdah leh in lak vang tia puh a, SangaLura (Robert K. Vanlalchhuanga Sialsir, Serchhip District) in Social Media - News Lawrkhawm & Zoram Politics Group–1 a dawtthu a thehdarh chungchanga nausen enkawla, a boral chhan thudik tak chu hetiang hi a ni e :

1. Vanlaldinpuii 22yrs, Sialsir W/o Robert K. Vanlalchhuanga hi nau nei turin District Hospital Serchhip (Casualty)-ah 29.10.2021-ah a lo kal a, hemi ni vek hian Gynae Ward-ah awmpuitu tur pakhat (1) nen admit nghal an ni.

2. Gynae Ward an lo thlen hian naute hi ni li (4) lai a chet tawhloh thu naute nu in a sawi avangin Nurse Duty chuan Doctor a hriattir nghal a. Doctor hian lo en nghalin, naute lungphu tlem ka hria a ti a, hmanhmawh takin a tuibawm tihkeh sak a ni a, vei tirna khai nghal a ni. Paediatrician pawh hriattir nghal niin a lokal bawk.

3. A nau vei chhung zawng hian Nurse pakhat (1) leh FA pakhat (1) in Labour Room-ah chhuahsan lovin an vil char char a ni.

4. Naute hi 29/10/2021, dar 3:30pm hian a piang a, a pian hlim hian a zawi vek a, minute sawm (10) aia rei tap lovin a awm a. Hlam ek in a bualkhat tlat bawk a ni. Doctor leh Nurse ten an buaipui char char a, Suction leh Oxygen te pawh hman nghal a ni.

5. Hun reilote chhung naute hi a nu bulah Oxygen pe chungin dah a ni a, Oxygen level a san theihloh avangin Paediatrician hriattir nghal a ni a, Paediatrician pawh in nausen dinhmun thatloh zia hmu in New Born Stabilization Unit (NBSU)-ah a admit nghal a ni.

6. Naute dinhmun thatloh thu hi Doctor in a nu leh a awmpuitu a hrilhfiah vek a. Hmanrua leh damdawi an mamawh te pawh an lei bakah a thlawnin kan pe nual bawk.

7. Naute lungphu, temperature leh Oxygen Level hi check reng a ni.

8. 29/10/2021 hian Oxygen hi Hood hmanga pek a ni.

9. 30/10/2021 zing dar 9:00-ah hian naute hi rawn kaihin, Nurse duty in Doctor a hriattir nghal a, kaih damdawi te pek nghal a ni. 30/10 tlai lam dar 2:30-ah khawsik a neih leh avangin duty hian Doctor hrilh lehin nachhawkna te pawh pek nghal a ni.

10. 30/10/2021 zanah hian duty te hian damdawi pek mai piah lamah a tul angin vitals (RR/HR/SPO2) pawh check a ni a, Doctor pawn a rawn en leh a ni. Zan dar 10:00-ah nausen hi kaih lehin Nurse duty in kaih damdawi a pe leh a.

11. 31/10/2021 Sunday zing ah hian naute Oxygen level a tlahniam a, a thawhah a zual a, a pum a rawn puar bawk a, naute ka leh hnar atangin tui a chhuah reng avangin Doctor hriattir a ni a, suction hman nghal a ni.

12. 31/10/2021Sunday hian nausen hi a kaih a reh loh avangin, Doctor advise anga kaih damdawi pek belh a ni a, NG Tube dah nghal a ni. Damdawi te pawh a tul anga pek belh a ni. Hemi ni hian damlo chhungte hian Aizawl kal an duh thu Doctor an hrilh a, amaherawh chu naute dinhmun hi chiang taka hrilh an nih hnuin an duh thu ngeiin Aizawl hi an kal ta lo a ni. A damchhuah theih nan theihtawp chhuah anih laiin ni 31/10/2021 zan dar 8:30 khan a boral ta a, pawi kan ti hle a ni.

13. Naute video chungchangah, tu tih hriatloh in Hospital Protocol bawhchhia-in leh Covid RAgT Test lovin Hospital chhunga luta, Gynae Ward mai ni lo, Sterile Room, mi nazawng luh phallohna NBSU chhunga lutin Video a lo siam a. Hospital dan bawhchhiatna thil thleng hi pawi kan ti hle a ni. 

14. Tunhnuah Hospital chhunga lungawilohna leh complaint nei kan awm chuan, Hospital Grievences Committee leh Complaint Box-ah te kalphung pangngai a lungawilohna thehlut thin turin mipuite kan in ngenin kan in hriattir a ni.

Nausen hi a damchhuah ngei theihna turin theihtawp tak meuh kan chhuah a, kan beisei anga thleng ta lo hi a pawi kan ti takmeuh a ni. Hetihlai a Media a thu belhchian dawllo thehdarh leh in tih hmingchhiatna thleng hi pawi kan ti a, hetiang thil hi thleng tawh lo se kan ti hle a ni.

Sd/- R. Sanghmingthanga Sd/- Zairemthanga

Chairman Secretary

Serchhip Health Staff Committee Serchhip Health Staff Committee

Sd/- Dr. Lalnunhlima Khiangte,

District Medical Superintendent,

Serchhip District : Serchhip