Hri kai hmuhchhuah zinga za zela 95.57 dam tawh

Pathianni khan Mizoram-ah Sample 1098 enfiah niin COVID-19 hri kai mi 139 hmuh an ni a, Sample enfiah atanga za zela 12.66 te chuan hri an kai a, nimin khan hri kai mi 371 enkawl dam awm belh lehin Mizoram-a hri kai zingah za zela 95.57 te enkawl dam an ni tawh a ni.

Pathianni khan ZMC-a RT-PCR Laboratory, Fluorescent Immunoassay Test leh District hrang hranga TrueNat Laboratory-ah Sample enfiah a awm lova, Sample enfiah awmchhun te hi Rapid Antigen Test hmanga en vek niin hri kai hmuhchhuah mi 139 zinga 108 te hi Aizawl District-a hri kai hmuhchhuah an ni a, Chaltlang leh Govt. Complex-ah hri kai mi 11 ve ve hmuh niin midang zawng hi Veng leh khua 41 ami te an ni. Heng bakah hian Lunglei District-ah hri kai mi 12 hmuh niin Champhai District-ah 8, Kolasib District-ah 5 leh Mamit leh Serchhip District-ah hri kai mi 3 ve ve hmuh an ni bawk.

Mizoram-a COVID-19 hri kai te zingah nimin khan tlai dar 5:00 thlengin mi 371 te enkawl dam an ni ve leh thung a, heti hian nimin tlai dar 5:00 thlenga Mizoram-a hri kai hmuhchhuah chu 1,25,131 niin an zinga 1,19,583 te chu enkawl dam an ni tawh a, hri kai hmuhchhuah atanga za zela 95.57 te enkawl dam ni tawhin hri kai enkawlai 5098 an la awm a. Nimin khan hri kai zingah mi pakhat boral awm belh lehin hri kai zingah mi 450 an boral tawh a ni.

Comments

Popular News (Last 30 Days)

Serchhip DCSO sawn a ni