Hrikai hmuh 4281 tling tawh

/

Serchhip District-a COVID-19 hri kai hmuh tawh chu nimin thleng khan mi 4281 an tling ta a, nimin khan hri kai mi 112 zet enkawl dam an ni leh bawk.

Hriat theih chinah nimin khan Ser-chhip District-ah hri kai mi 64 hmuh leh an ni a, an zinga 26 te chu Serchhip khawpui chhung Veng hrang hrang ami te niin Chhingchhip-ah hri kai mi 8 hmuh leh an ni a, Thenzawl-ah hri kai mi 6, Chhiahtlang-ah 5 leh Keitum-ah 4 hmuh niin midang 15 erawh hriatchian a ni lo thung.

Niminpiah khan Serchhip District-ah hri kai mi 7 hmuh niin an vaiin Rapid Antigen Test hmanga hri kai hmuhchhuah te an ni a, an zinga mi 5 te hi Chhingchhip khua niin Serchhip-ah Venglai leh Chanmari-ah hri kai mi pakhat ve ve hmuh an ni bawk.

Pathianni khan Serchhip District-a hri kai mi 67 enkawl dam niin nimin khan mi 112 te enkawl dam leh an ni a. Heti hian nimin tlai thlenga Serchhip District-a hri kai hmuh tawh chu 4281 niin an zinga 3728 te chu enkawl dam an ni tawh a, hri kai enkawllai 513 awmin hri kai zingah mi 10 an boral tawh a ni.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »