Serchhip-ah Chengkawl leh Chakai zawrh te enfiah

Nimin khan Serchhip-a Bazar-ah Cheng-kawl leh Chakai puitling lo zuar an awm leh awmloh enfiah a ni.

Serchhip District Fisheries Development Officer (DFDO) Office-a Enforcement Team te chuan nimin khan Serchhip khaw chhunga Bazar-ah Chengkawl leh Chakai la puitling lo zuar an awm leh awmloh hi enfiahin, Dan bawhchhia man erawh an awm lo thung.

Serchhip Bazar hrang hranga Cheng-kawl leh Chakai zuar te hnenah hian Chengkawl leh Chakai puitlinglo man leh zawrh chu Sawrkar Dan kalh anih thu te, Luidung nungcha humhalh kawngah a la puitlinglo man chu keimahni tan a la pawi thei anih dan te, tun a kan lo tih chereu hi thangthar lo la awm zel turte tan a la pawi theih dan te hrilhin, heng te hi Fisheries Amendment Act, 2016 in a humhalh tlat a nih avangin a lo mantute leh zuartute chu man sak a, Lui-a chhuah sak leh an nih tawh tur thu leh Dan anga an chungthu rel theih anih dan te an hrilhfiah bawk a ni. Fisheries Department hian Serchhip District chhunga khaw dangah pawh hetiang hian hmalak chhunzawm zel an tum a ni.