Vawk thi awm belh leh; Bazar-ah Vawk sa zuarchhuak

Serchhip District-ah African Swine Fever (ASF) vanga Vawk thi tlem tawh viau mah se hri vanga Vawk thi chu a la awm chho zel.

Inrinni khan Serchhip District-ah ASF vang hian Vawk thi a awm loh hnuah nimin khan Vawk thi pahnih a awm belh leh a, heng te hi Khawlailung khua ami te ve ve niin Khawlailung-ah hian ASF vang hian Vawk 47 a thi tawh a, Serchhip District pumah Vawk 3856 thi tawhin Vawk 3040 suat a ni tawh bawk a ni.

Hetihlai hian ASF hri leng avanga kumin July 8-a Serchhip District Magistrate in Serchhip khaw pum-a Vawk, Vawk sa leh Vawk sa atanga thil siam lam reng reng lakluh, lakchhuah leh zawrh te khapna thupek a tihchhuah leh hemi hnu Sept.17, 2021-ah thla hnih chhung huam tur hetiang bawka Order tihchhuah thar a nih leh hnuah Inrinni khan Serchhip Bazar-ah Vawksa zawrhchhuah a ni leh ta a. AH&Vety Department-a thawktute chuan Serchhip-ah hian Vawk ser hi phalna a awm an la hriat loh thu an sawi thung a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man