Latest News

MSHCS chungchang sawifiah

Mizoram Health Care Scheme hnuaia kum bithliah zat chu Central Scheme Golden Card hmang, ABPM-JAY Scheme nena kalkawp tura ruahman thar a nih tak avangin kumin October ni 1 atanga March ni 31 thlaruk chhung atan kalpui lailawk a ni.

Hemi chungchang hi State Health Care Society-a Principal Chief Executive Officer Dr. Chawngthanchhunga chuan nimin khan thuthar thehdarhtute hnenah sawiin, hemi atan hian chhungkaw khatin a bill theihzat chu cheng nuai 1-ah tihhniam niin, inziahluhna man pawh a chanve tuk a ni a, BPL tan Rs. 50 leh APL tan Rs. 500 a nih thu a sawi bawk.

Dr. Chawngthanchhunga chuan tunah hian MSHCS hnuaia bill lut chu February thla thleng vel pekchhuah tura peihfel tawh niin, cheng vbc. 5 chu sawrkar in a pechhuak dawn tih Principal CEO chuan a sawi a. Health Care Bill tang chungchangah mimal duhsak zawng emaw, Minister ten an ngaih pawimawh an sawi vang emaw a pekchhuah hmasak pakhatmah a awmlo tih sawiin, Bill lut indawt dan ang thlapa kalpui a nih thu a sawi bawk.

MSHCS hnuaia Medical bill lutte chu Finance Department lamin MSHCS te uluk taka endik tura a tih angin an endik chinah chuan diklo a bill siam tum emaw, chutianga Bill a lo awm anih pawhin anni lamin an endik that avangin diklo a pekchhuah a awm lo tih CEO hian a sawi bawk a, tuna sawrkar kum kallai anga herrem tum mek lai pawh hian inziaklut duh tan pawh tih theihreng a nih thu a sawi bawk.

MSHCS Chief Executive Officer Dr. Biakthansangi chuan Sawrkar laipuiin AB-PMJY Scheme Golden Card a pek ang zulzuia tuna October leh March hi kalpui an nih thu a sawi a, hemi hnu atang hi chuan sawrkar kumkal pangngai anga kal an tum vang zawk a nih thu he hunah hian a sawi bawk.

Comments

Popular News (Last 30 Days)