PUC ah Broadband Seismic Station hawng

Lirnghing chungchang zirchianna atana khawl pawimawh tak Broadband Seismic Station Mizoram-a bun tur zinga pakhat, Pachhunga University College ami chu nimin khan Chief Minister Zoramthanga chuan a hawng.

Broadband Seismic Station hi Mizoram sawrkar leh CSIR-NEIST, Jorhat, Assam tangkawp hmalakna in Mizoram hmun pathum - Aizawl, Khawbung leh Lunglei a bun tura ruahman niin heng zinga pakhat chu nimin khan hawn a ni a, he hunah hian Chief Minister chuan lirnghing in tunhnaia Mizoram chhim lam a nghawng dan leh zirmi ten lirnghing na tak thlen theihna hmun a awm kan ni tih an sawi avangte in min nghawng theih dan tur te zirchian belh a, chhiatna hrang hrang thleng thei hmachhawn tura inbuatsaih theih dan tur te hriat belh chu pawimawh tih a sawi a. Chumi atan chuan Broadband Seismic Station chu thil tangkai tak a nih a beisei thu a sawi bawk.

Mizoram hmun thuma Broadband Seismic Station dah hmang hian lirnghing data chhinchhiah thin a ni anga. Data zawng zawng hi PUC, Aizawl Seismology Centre-ah vawn that niin, CSIR-NEIST leh Dept. of Geology, PUC-ah chiang zawka zirchian a ni ang. Heng zirchianna a thil hmuhchhuah pawimawhte chu sawrkara a kaihhnawih Department ten hmalak zelna atana an hmang tangkai thei dawn a ni.

Comments

Popular News (Last 30 Days)

Serchhip DCSO sawn a ni