Nausen thi tlemna berha Mizoram puan a ni

Sample Registration System (SRS), Govt. of India in SRS Bulletin, October, 2021-a tihchhuah-ah Mizoram chu kum 2019 chhunga India ram puma Nausen kum khat hnuai lam thi tlem berna State a ni.

Hemi chungchanga sawrkar thuchhuah chuan hetiang dinhmun kan thlen theih na chhan chu mipuiten mithiam te thusawi an awih that vang leh kan tanhona that vang a ni, an ti. Mizoram Infant Mortality Rate (IMR) hi a tha chho chak hle a, kum 2016-ah 27 niin, kum 2017-ah chuan 15 a ni leh a, kum 2018-ah 5 leh kum 2019 -ah 3 niin ram pumah pakhatna a ni chho ta a ni. 

Nausen kum khat hnuai lam thi zat tehna hi Infant Mortality Rate (IMR) tih niin nau piang sang khat zelah thi zat hi chhut a ni a, Infant Mortality Rate hi ram pum leh State chhung mipui nawlpui hriselna dinhmun tehfung (indicator) pawimawh tak a ni. Sawrkar laipui in SRS Bulletin, October, 2021-a a tihchhuah SRS bulletin 2019 ah Mizoram Infant Mortality Rate(IMR) chu 3 a ni. Nagaland State IMR 3 nen titha ber kan ni. Pahnihna Sikkim niin an IMR chu 5 a ni a, pathumna-ah Kerala State awmin an IMR chu 6 a ni. Hetih lai hian India ram pum chawhruala IMR chu 30 a ni a, North Eastern States pumpui chu National Level IMR 30 aia hniam vek a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man