Kumin ah nasa zawkin Dawnfawh chin tum a ni

Nikum lamah Serchhip Mat phai-ah hlawh-tling taka Dawnfawh chin a nih hnuah kumin hian nikum aia uar zawka chin tum a ni.

Serchhip-a Horticulture Department hmalakna in nikum khan Serchhip Mat phai, Chawm ram-ah a enchhinna atan Dawnfawh lian chi hi chin alo ni tawh a, he an enchhinna hi a hlawhtling thawkhatin Dawnfawh tharchhuah engemaw zat hralhchhuah a ni nghe nghe a ni.

Hetianga Dawhfawn chin te a thar tah thei nia a lan avang hian kumin hian Serchhip-a chhungkaw 40 vel te chu Horticulture Department chuan Dawnfawh chin tir tumin hma an la mek a, nimin khan heng mite tanhian Chawm kai-ah Hannah Lalrohlui Betlu, BHO kaih-hruaina in Dawnfawh chin dan zirhona hi neih a ni a, he hunah hian K. Lianhmingthang, District Horticulture Consultant chuan Dawnfawh chin dan zirtirin a taka tihchhinna neih nghal a ni. Nimin-a he zirhonna hi Hnahthial atangin mi 20 leh Bungtlang atangin mi 10 in an rawn chhim ve bawk a ni.