COVID-19 hri kai hmuhchhuah la pung zel

Niminpiah khan Mizoram-ah Sample 4426 enfiah leh niin heng atang hian COVID-19 hri kai mi 631 zet hmuhchhuah leh an ni a, Sample enfiah atanga za zela 14.26 te chuan hri an kai a ni.

Mizoram-ah hri kai hmuhchhuah hi pung leh mekin niminpiah khan ZMC-a RT-PCR Laboratory-ah Sample 518 enfiah atangin hri kai mi 130 zet hmuhchhuah an ni a, Ratu khua atangin hri kai mi 18 hmuh niin Sihphir Venghlun-ah hri kai mi 15 hmuh an ni bawk a, a bak hi Veng leh khua 32 ami te an ni. Fluorescent Immunoassay Test hmangin niminpiah khan Aizawl-ah Sample 5 enfiah niin hri kai mi pahnih hmuh an ni bawk.

Niminpiah khan Hnahthial tihloh District hrang hranga TrueNat Laboratory-ah Sample 173 enfiah niin hri kai mi 65 hmuh an ni bawk a, an zinga 41 te chu Lunglei District atanga hri kai hmuhchhuah niin Lawngtlai District-ah 8, Mamit District-ah 6, Serchhip District-ah 3, Aizawl District-ah 2 leh Siaha, Champhai, Kolasib, Khawzawl leh Saitual District-ah mi pakhat theuh te an ni.

Heng bakah hian niminpiah khan Mizoram District hrang hrangah Rapid Antigen Test hmangin Sample 3720 enfiah niin hri kai mi 434 hmuh an ni a, an zinga 192 te chu Aizawl District-a hri kai hmuh te niin Lunglei District-ah 55, Serchhip District-ah 49, Lawngtlai District-ah 41, Cham-phai District-ah 32, Kolasib District-ah 19, Mamit District-ah 18, Hnahthial District-ah 10, Siaha District-ah 9, Khawzawl District-ah 6 leh Saitual District-ah mi 3 te an ni.

Nimin khan tlai dar 5:00 thlengin hri kai mi 496 enkawl dam belh awmin nimin tlai dar 5:00 thleng khan Mizoram-a hri kai hmuh tawh chu 1,27,548 an ni a, an zinga 1,21,750 te enkawl dam ni tawhin hri kai hmuh atangin 95.45% a ni a, hri kai enkawllai 5341 awmin nimin ah hri kai boral pakhat awm belhin hri kai zingah 457 an boral tawh a ni.

Comments

Popular News (Last 30 Days)

Serchhip DCSO sawn a ni