Mizoram State Disaster Management Plan tlangzarh

Disaster Management & Rehabilitation Department changtu Minister Lalchamliana chuan nimin khan ‘Mizoram State Disaster Management Plan 2021’ leh ‘Kolasib District Harzard Vulnerability Analysis’ lehkhabu a tlangzarh.

DM&R Minister hian nimin khan DM&R Directorate tlawhin heng lehkhabu te hi a tlangzarh a, Department a thawktu te chu tlemte nimahsela in lungrual taka hna thawk zel thin tura fuihin, mahni dehchhuah ni lo, mahni thawhchhuah ni lo leh mahni hlawh ni lo te chu it lo turin a chah a ni.

Nimin a tlangzarh tak ‘Mizoram State Disaster Management Plan’ hi National Disaster Management Authority ten kaihhruaina an siam ang a kimchang taka siam a ni a. Kum 2007 atanga siam tan niin, vawi 6 lai ennawn a siamthat ngai lai te siamthat a lo ni tawh a. Mizoram State Disaster Management Plan 2021 hi National Disaster Management Plan 2019 zulzui a siamthat leh a ni. He Disaster Management Plan-ah hian chhiatrupna a lo thlen thulha Mizoram Sawrkar hmalak dan tur te leh Department hrang hrangte thawhho dan tur te tarlan a ni bawk.

Kolasib District Hazard Risk Vulnerability Analysis-ah hian Sistrict in khuarel chhiatna a tawrh theih te, District chhung a hmunhma leh thil tul dang khuarel chhiatna a lo thlen thulha hman tangkai theih te tarlan a ni bawk. Hazard Risk Vulnerability Analysis hi Aizawl District, Siaha District leh Lawngtlai District tan siam a ni tawh a. District dang tan pawh siam tura hmalak mek zel a ni bawk.

DM&R Minister Lalchamliana hian State Emergency Operation Centre hnathawh dan te leh vanduaina rapthlak a lo thlen thulha hman tur chhanchhuahna hmanrua Disaster Management and Rehabilitation Department ten an neih chu a enpui nghal bawk.

Comments

Popular News (Last 30 Days)

Serchhip DCSO sawn a ni