BJP Mizoram hruaitu ten Governor hnenah thlen

BJP Mizoram Pradesh hruaitute chuan nimin khan Mizoram Governor hmuin Mizoram in mipui sawrkar dik tak an mamawh thu leh Prime Minister Scheme hrang hrangte a hmu tur dik takin an hmuh theihna tura tan lakpui turin an ngen.

BJP Mizoram Pradesh President Vanlalhmuaka leh Vice President Dr. BD. Chakma te hian Central Scheme hrang hrang a bikin MGNREGA, PMAY, UJJWALA Scheme, PM-Kisan Niddhi Scheme (Loneitute sum faia tanpuina), PM Health Care Scheme, Jal Jivan Mission (JJM), PMGSY leh a dangte bakah COVID-19 hripui Mizoram in kan tawrh nasat dan te uluk takin Governor chu an hrilh a. PM-Scheme hrang hrangte a dawng tur dik tak ten dawng lova, State sawrkarna changtu in Party Vote zawnna atana an hman avangin mirethei ten an chhawr theih loh dan te, Mizo mipuite chu India rama discipline nei tha ber leh sawrkar thu zawm tha ber ni chunga India rama COVID-19 hripuiin a tihbuai ber leh Khawvel a Covid hripui avanga Lockdown hmang rei ber a nih dan te Governor chu an hrilh a ni.

Governor chuan State BJP hruaitute thu thlen chu a tul anga hma lakpui a, lo enpui tur thu sawiin, Mizoram hmasawnna atan leh PM Scheme hrang hrangin a thlenna tur dik taka a thlen theihna tur leh miretheite dinhmun chawikanna atana  nasa zawk a hma la turin a lo hrilh a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man