Mizoram District hrang hrangah Draft Roll tarchhuak Vote nei 798,227 an awm

Kumthar January 1-a kum 18 tling chin turte laa Electoral Roll siamthat hna thawh tur atan nimin khan Mizoram District hrang hrangah Draft Electoral Roll chu tarchhuah a ni.


Hemi chungchanga Chief Electoral Officer (CEO) Mizoram in thuchhuah siama a tarlan danin Draft Electoral Roll en duh chuan mahni bialtu ERO/AERO/BLO hnenah emaw, DC/DEO Office-ah emaw, CEO website - ceo.mizoram.gov.in/ ah en theih a ni a. Draft Electoral Roll hian Inthlan neih mekna 4-Tuirial (ST) Assembly Constituency a huamlo a, Tuirial bial-a Draft Electoral Roll chu tun thla ni 8 khian tarchhuah a ni ang.

India khua leh tui dik tak, ni 01.01.2022 a kum tling turte chuan Draft Roll tarchhuah atanga November thla chhungin mahni bialtu ERO/AERO/BLO hnenah Electoral Roll-a inthunluh bakah paih ngai, siamthat ngai leh insawn duh te tan dilna thehluh theih a ni a. Dilna hrang hrang hi nvsp.in/, voterportal.eci.gov.in/ leh Voter Helpline App atangte in thehluh theih a ni bawk.

Nimin-a Draft Electoral Roll tarchhuah atanga a lan danin Mizo-ram pumah Assembly Constituency 40 awm mekin heng zinga Constituency 36 ah Draft Electoral Roll hi tarchhuah a ni a, Mizo-ram pumah Polling Station 1247 awmin, Vote nei thei 7,98,227 an awm bakah Service Voters Mipa 4916 leh Hmeichhia 70, a vaiin 4986 an awm mek bawk a ni.

Comments

Popular News (Last 30 Days)

Serchhip DCSO sawn a ni