Serchhip Sub-Hqrs. YMA in Thentlang an tanpui

Tunhnaia COVID-19 hri kai engemaw zat hmuna Thentlang khua chu nimin khan Serchhip Sub-Hqrs. YMA hruaitu ten tlawhin 4C-a hman turin pawisafai leh thildangte an hlan.

Serchhip Sub-Hqrs. YMA huamchhunga awm Thentlang khua hi nimin khan Serchhip Sub-Hqrs. YMA hian Asst. Secretary K. Laltlanmawia hovin SEC Member thenkhat te chuan tlawhin Thentlang Branch YMA Vice President Lalthuamliana leh a thawhpui ten an lo dawngsawng a, tunhnaia hri leng avanga harsatna an tawh mekah tanpuina atan pawisafai Rs. 5000/- bakah buhfai bag 2, Dal bag khat leh Tel Case khat an hlan a. H hunah hian Sub-Hqrs. YMA Asst. Secretary chuan hri leng avanga Thentlang khaw tawrhna chu Serchhip Sub-Hqrs. YMA in a hriat avanga thilpek  pe an nih thu leh hemi hmalam hian Keitum leh Khawbel bakah khawpui chhunga Branch thenkhat te an lo tanpui tawh thu a sawi bawk.

Thentlang khua hi In 153 awmna niin mi 800 vel an chang mek a, October 21, 2021 khan COVID-19 hri kai hmuhchhuah tan niin nimin thleng khan mi 66 hmuhchhuah an ni tawh a, an zinga mi 44 te chu enkawl dam ni tawhin hri kai enkawllai 22 an la awm a, hri kai enkawlna atan hian 4C pahnih siam ni tawhin pakhat erawh chu tihtawp a ni leh tawh a ni.