Chanchin thar thenkhat :

VC kaihhruaina siamtha mek

Lushai Hills District (Village Councils) Act, 1953 Drafting Committee chu nimin khan an Chairman LAD Secretary Zothanmawia hovin SAD Conference Hall-ah an thukhawm. Mizoram a Village Council inkaihhruaina dan hman lai mek chu a siamna a rei tawh avangin tunlai mila herrem leh siamthat tul tiin LAD Minister hova Meeting chuan siamthat ni se tiin a lo rawt tawh a. He Meeting thurel bawhzui hian Drafting Committee hi din zui niin Village Council inkaihhruaina dan hman meka siam danglam ngai te zirchiang a, paih tul nia lang te paih a, belh ngai te belh turin he Committee hi din a ni. Drafting Committee chuan The Mizoram (Village Councils) Bill, 2021 tia a hming thlak ni se tiin an rawt a. Dan an duan chhin chu Committee hian tum tam tak thlirin a hmawrbawkna an hnaih tawh thu an Chairman Zothanmawia chuan a sawi a ni. Drafting Committee hian The Mizoram (Village Councils) Bill, 2021 draft hi a buatsaih fel hnuah sawrkar pawmpui turin thehluh chhunzawm a ni dawn a. A tul angin Cabinet-ah leh State Assembly ngaihtuah turin a kal chho dawn a ni.


Union Minister hmu

Mizoram Youth Commission Chairman Dr. Vanlaltanpuia MLA chuan nizan hmasa khan Union Minister of Textile Piyush Goyal chu a Office-ah hmuin Handloom Park din chungchanga Project a lo thehluh tawh, Covid hrileng avanga hmalak chhunzawm loha awm chu tharthawh leh turin a ngen a. He hunah hian Union Minister tawiawmtu Official te nen Handloom Park din chungchang chu uluk taka sawihoin ruahmanna lo kal tawh chu Scheme her danglam a awm avanga tih khawtlai a nih thu te sawrkar laipui hotute hian an sawi a, Scheme thar mila DPR thar siama ennawn leh turin an lo hrilh a ni. DPR buatsaih dan tur kalhmang pawh Textile Ministry-a Officials te nen Krishi Bhawan-ah an sawi zui nghal a, Union Minister hian a tul dan anga lo enzui a tum thu a sawi bawk a ni.


Sawrkar chungah MSU lawm

Mizo Students’ Union (MSU) General Hqrs. chuan School Education Department hnuaia Rose Bud English School (GIA) Chhipphir Headmaster tura lakah Mizoram Education & Human Resources Development Department (School Education) Recruitment Rules, 20B-in a phut ang thiamna nei lo chu cancel leh tura sawrkar a ngenna in ngaih pawimawh a hlawh chu lawmawm an tih thu leh thil diklo siamthat a nih avangin sawrkar chungah lawmthu an sawi a. He hna lakah hian thil diklo a awm nual tih sawiin, Headmaster appointment pek hian Teacher Eligibility Test (TET) a neih loh thu an sawi a. Tun hnuah hetiang thil hi a thlen tawh loh nan Department pawh fimkhur lehzual turin an ngen nghal bawk.


MJA in Budget zirho

Mara Autonomous District Council (MA-DC) chuan nimin khan Siaha District-a MJA Member te tan Budget zirchianna an buatsaih a, he hun hi Palak bialtu MLA KT. Rokhaw chuan hmanpuiin Journalist-te chu mipui hnena thudik hriattir a, sawrkar leh mipui inkara thawktu pawimawh tak, sawrkar, khawtlang leh ram inrelbawlna kawnga hmahruaitu leh khalhngiltu an nih avangin nun thlenga uluk turin a chah a, Budget pawh an hriatchian a tul thu a sawi bawk. He hunah hian MADC-a Finance Department a thawk ten zirtirna an pe a, District Council Budget hi Consolidated Fund of India atanga State sawrkarin a dawn kaltlangin Grant in Aid in a pechhawng leh thin a ni.

Comments

Popular News (Last 30 Days)

Serchhip DCSO sawn a ni

Bawngchawm tlang khualbuk rawktu nia hriat mi 2 man