Latest News

CADC-a MDC atangin Rasik Mohan Chakma ban a ni

Chakma Autonomous District Council (CADC)-a Boropansury bialtu MDC, Rasik Mohan Chakma chu nimin khan MDC a nihna atanga ban a ni.

Chakma Autonomous District Council-a Chairman Mohan Chakma chuan CADC-a MDC nilai, Rasik Mohan Chakma chu Chakma Autonomous District Council (Constitution, Conduct of Business etc.) Rules, 2002 leh The Mizoram Salaries, Allowances and Pension of the Members of Legislative Assembly Act, 1999 bawhchhiaa puhin nimin khan MDC a nihna atang hian a ban ta a ni.

Rasik Mohan Chakma hi July, 2019 leh January, 2020 inkar chhunga MLA pension leh CADC-a MDC hlawh leh hamthatna la kawpa puh niin Onishmoy Chakma, MDC chuan CADC Chairman hnenah amah hekna a thehlut a. He hekna hi tunhnai khan MDC dang panga-in rawn tharthawh lehin, hemi avang hian CADC Chairman chuan tun thla ni 17 khan Rasik Mohan Chakma chu nithum chhunga insawifiah turin a hriattir ta a ni.

Rasik Mohan Chakma-in insawifiahna a thehluh chu Chairman chuan pawm tlakah ngai lovin, Danin a phut anga hremna lekkawhin, nimin khan MDC nihna atangin a chawlhtir ta a ni.

Comments

Chhiar Hlawhte