Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Hri kai mi 8 hmuh belh leh

Nimin khan Serchhip District-ah COVID-19 hri kai mi 8 hmuh belh leh niin Serchhip District-a hri kai hmuhchhuah chu 1041 an tling ta.

Hriat theih chinah nimin khan Serchhip khawpui chhungah COVID-19 hri kai mi 5 hmuh niin P&E Veng-ah hri kaina hriatloh mi 2 hmuh niin Chhim Veng-a hri kai nen inkawmhnaihna nei mi pahnih hmuh an ni bawk a, hei bakah hian Serchhip Bazar Veng-ah hri kaina hriatloh mi pakhat hmuhchhuah a ni bawk. Nimin vek khan Thenzawl-ah hri kai mi 3 hmuh niin an zinga 2 hi CCC-a hri kai enkawllai awmpuite niin midang pakhat hi PTS ami a ni thung.

Nimin khan Serchhip District-a hri kai mi 7 te chu enkawl dam an ni ve leh a, heng mi te hi Serchhip Vengchung atanga hri kai hmuh te niin In lama enkawl vek an ni.

Heti hian nimin tlai thleng khan Serchhip District-a hri kai hmuhchhuah chu 1041 niin an zinga 950 te chu enkawl dam an ni tawh a, tunah hian hri kai enkawllai 88 la awmin hri kai zingah mi 3 an boral tawh bawk a ni.


Vengchung dinhmun ziaawm :

Tunhnaia Serchhip-a hri kai hmuhchhuah tamna Vengchung VC area-ah hri kai mi 94 hmuh ni tawhin an zinga 77 enkawl dam an ni tawh a, enkawllai mi 17 an la awm mek a ni.

Comments

Chhiar Hlawhte