Serchhip khaw mi in lawmman pakhatna la

/

Department of Labour, Employment, Skill Development & Entrepreneurship buatsaih 'State Level Skills Competition' chu niminpiah khan zawhfel niin lawmman dawngtu zingah Serchhip mi pakhat a tel.

ITI Auditorium Aizawl-a 'State Level Skills Competition' kharna hun hi LESDE Minister Lalchhandama Ralte chuan khuallian nia hmanpuiin Mizo thalaite theihna leh thiamna (skill) khawvel hmasawnna in a rawn ken te, an theihna sang takte hi khawvel hmuhah phochhuak thei a, midangte hmahruaitu an nih theih nan hman tangkai a tul a ni, a ti a. Mizo thalaite theihna phochhuak tura an talent haichhuak zel turin he Skills Competition hian thalaite a cho tih a sawi bawk.

State Level Skills Competition-ah hian Trade 12 hmangin intihsiakna kalpui a ni a, Cabinet Making-ah Lalhruaizela, Serchhip Hmar Veng chuan lawmman pakhat dawngin he intihsiakna hi World Skill Competition, 2022, Shanghai, China-a neih tura tel tur thlanna Stage hmasa a ni a, Regional Level intihsiakna ah an tel leh dawn a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »