NSS ten Kawlri tlang tifai

Govt. Serchhip College NSS Unit leh Swachh Bharat te chuan Visits & Cleaning Historical Monuments Programme an hman denchhenin nimin khan Serchhip Kawlri tlang-a Mary Winchester (Zoluti) laklet lehna hmun chu an tlawh a, he hunah hian Volunteer mi 9 leh Zirtirtu mi 4 te kalin helai hmun hi samfai in, bawlhhlawh tawih theilo sarang te an chharkhawm bawk a ni. Mary Winchester lakletna hmun Kawlri tlang hi khua atangin KM 5 vela hla a ni a, hmanlai a Sailo Lal Bengkhuaia tlangthut hmun niin helai a an awm lai hian Mary Winchester hi laklet a ni.