Latest News

Hri kai mi 62 hmuh belh leh

Nimin khan Serchhip District-ah COVID-19 hri kai mi 62 zet hmuhchhuah belh leh an ni a, hri kai hmuhchhuah thar zinga a tam zawk te hi Serchhip khawpui chhung ami te niin Khaw-bel-ah mi 13 hmuh belh an ni a, Thenzawl-ah pawh hri kai pakhat hmuh a ni bawk.

Sawrkar laipui Scheme thar inhrilhhriatna neih a ni



Sawrkar laipui Scheme thar, Special Central Assistance for Tribal Development chungchang inhrilhhriatna leh thlirhona chu nimin khan Serchhip DC Conference Hall-ah neih a ni.     Special Central Assistance for Tribal Development chungchang inhrilhhriatna hi Serchhip District Bawrhsap Lalmuansanga Ralte chuan kai-hruaiin inlawmna thu a sawi a, Lalsawmzuala, Officer on Special Duty (OSD), Social Welfare & Tribal Affairs chuan Special Central Assistance for Tribal Development hi a sawifiah a ni.
    Special Central Assistance for Tribal Development hi Sawrkar laipui-a Ministry of Tribal Affair hnuaia Scheme pakhat niin he Scheme in a tum ber chu thingtlang khua a Tribal awm te tih hmasawn niin, khaw thlanbik Model Village a siam a, heng khaw thlan bik te hi kawng hrang hrang a tihhmasawn tumna a ni. He Scheme Nodal Department chu Social Welfare Department niin he Scheme hnuaiah hian Mizoram-ah khaw 344 thlanchhuah a ni tawh a. Nimin-a he hun hmanna ah hian Serchhip District chhunga Line Department hrang te an tel a ni.
    District tinah he Scheme kalpui tur hian District Planning and Monitoring Committee din a ni a nga, Deputy Commissioner chu Chairman niin District Social Welfare Officer emaw, Social Welfare & Tribal Affairs Department atangin Secretary ruat a ni anga, Line Department hrang hranga District Level Officer te chu Member an nih bakah bialtu MLA leh MP te chu member an ni nghal bawk a ni.

Comments

Chhiar Hlawhte