Latest News

Mizoram-ah COVID-19 hri kai hmuh belh zel an ni

Mizoram-ah ni khat-a COVID-19 hri kai hmuhchhuah in sang khat ala pel zel a, niminpiah khan Sample 9799 enfiah niin heng atang hian hri kai 1055 hmuh leh niin Sample enfiah zawng zawng atanga za zela 10.77 te chuan hri an kai a ni.

Niminpiah khan ZMC-a RT-PCR Laboratory-ah Aizawl leh Serchhip District atanga Sample lak 1369 enfiah niin heng atang hian hri kai mi 91 hmuh an ni a, an vai hian Aizawl District-a Sample lak te niin Serchhip District atanga Sample thawn zingah hri kai hmuhchhuah an awmlo a ni. RT-PCR a hri kai hmuhchhuah zingah hian Bawngkawn mi tam berin mi 15 lai hmuhchhuah leh an ni a, a bak hi Veng leh khua 28 ami te an ni. FIA Test hmanga Sample enfiah 86 atangin hri kai mi 20 hmuh ni bawkin an vai hian Aizawl khawpui chhung ami te an ni.

District hrang hranga TrueNat Laboratory-ah Sample 296 enfiah ni bawkin heng atang hian hri kai mi 56 hmuhchhuah leh an ni bawk a, an zinga mi 22 te chu Lawngthlai District ami te niin Mamit District atangin hri kai mi 13 hmuhchhuah an ni a, Champhai District atangin hri kai mi 7 hmuhchhuah ni bawkin Khawzawl District atangin 6, Lunglei District atangin 3, Siaha leh Kolasib District atangin 2 ve ve leh Aizawl District atangin hri kai mi pakhat hmuh an ni bawk.

Rapid Antigen Test hmangin niminpiah khan Sample 8048 enfiah  leh ni bawkin hri kai mi 888 hmuhchhuah an ni a, heng zinga 458 te chu Aizawl District ami te niin Vaivakawn-ah 23, Bethlehem Vengthlang-ah 18 leh Durtlang Leitan-ah 15 te chu Veng mal-a hri kai hmuh tamna an ni a, a bak hi Veng leh khua 59 ami te niin Mass Test neihna Thuampui ah hri kai mi 157 zet hmuhchhuah an ni bawk.

Kolasib District-ah pawh Rapid Antigen Test hmangin hri kai 94 hmuh niin an zinga 41 chu Zanlawn khua an ni a, Lawngtlai District ah hri kai 93 hmuh niin an zinga 66 chu Vathuampui khua an ni bawk a, Lunglei District-ah hri kai 69 hmuh niin Serchhip District-ah 45, Champhai District-ah 40, Mamit District-ah 38, Saiha District-ah 30, Hnahthial District-ah 12, Khawzawl District-ah 8 leh Saitual District-ah hri kai mi pakhat hmuh an ni bawk.

Nimin khan Mizoram-a COVID-19 hri kai mi 510 te chu enkawl dam ni ve lehin heti hian nimin tlai dar 5:00 thleng khan Mizoram-a hri kai hmuhchhuah chu 69,026 niin an zinga 56,865 te chu enkawl dam an ni tawh a, hei hi hri kai hmuhchhuah atangin zaa 82.38 niin tunah hian hri kai enkawllai 11,928 an la awm mek a ni. Nizan hmasa khan Maj. C. Chhuanvawra 980), Bethlehem Vengthlang leh Lalrimawii (40), Kolasib Vengthar chu COVID-19 vanga boralin nimin chawhma dar 11:35 khan Vanlalsiama (23), College Vaih-II Siaha chu a boral leh bawk a, heti hian Mizoram-a hri kai zingah mi 233 an boral ta a ni.

Comments

Chhiar Hlawhte