Mizoram-a lut tur kaihhruaina siam thar

Mizoram sawrkar-a Health Department chuan tun thla ni 25 khan Mizoram pawn atanga lo lut te zawm tur inkaihhruaina thar a tichhuak.

He inkaihhruaina thar ang hian State pawn atanga Mizoram-a lo lutte chuan Home Department Order ding laite zawmin an lo luhna (entry point)-ah RAgT (Rapid Antigen Test) hmanga endik (screen) an ni anga. RAgT positive te chu enkawl dan tur ding lai (protocol) angin enkawl zui tur niin negative te erawh chu ni 5 chhung quarantine an nih hnuah RT-PCR/TrueNat hmanga test tur an ni a, an negative chuan quarantine atangin an chhuak thei ang.

Mizoram-a lo lutte chu COVID-19 symptom nei lo an niha an lo luh hma darkar 72 chhunga RT-PCR/TrueNat/CBNAAT hmanga Covid-19 Test negative report, SRF-ID dik tak awm Screening Point duty-te an hmuh chuan Entry Point Screening leh Quarantine an ngai lo thung anga, Covid Vaccine dose hnih an lak tawha, dose hnihna an lak atangin ni 15 tal a liam tawh tih tarlanna, Full Dose Vaccination Certificate (cowin portal atanga download) emaw, Covid-19 hri kai dam leh an niha, an dam fel atanga thla thum a la ral lohva, chu mi tichiangtu atana Discharge Certificate, Screening Point duty-te an hmuh chuan Entry Point Screening leh Quarantine an ngai lo bawk ang.