Latest News

Inkaihhruaina hman zui tur

Serchhip District Bawrhsap Kumar Abhishek chuan nimin khan thupek tichhuakin COVID-19 hri leng hluar zel laka mipuite him theihna tura tun thla ni 2-a inkaihhruaina thupek lo tihchhuah tawh chu Oct. 17, 2021 atanga Oct. 30, 2021 zanlai dar 12:00 thleng Serchhip District-ah hman chhunzawm tur a nih thu a tarlang.

East Lungdar to Khawzawl 132 kV Line enchhin dawn

Serchhip atanga East Lungdar kaltlanga Khawzawl-a 132 kV Line hmanga kawlphetha pekna line chu karleh Thawhlehni, September 28 khian enchhinna neih tum a ni.

Mizoram khaw chhak tlangdungin kawlphetha an dawn kawnga harsatna awm thinte sutkian a nih theihna tur hian sawrkar chuan hma la mekin Serchhip Bukpui atanga East Lungdar to Khawzawl 132 kV Line kaltlangin Khawzawl thleng power lakluh enchhinna, Test Charge chu karleh Thawhlehni khian neih tum a ni a, hemi hmalam hian Serchhip Bukpui atanga East Lungdar 132kV Line chu enchhin ni tawhin September 22, 2021 chawhnu khan E.Lungdar 132 kV Sub-Station chu hlawhtling taka 132 kV Level a Test Charge a lo ni tawh a, Power Transformer pawh commission nghal a ni bawk.

Hetianga karleh Thawhlehni-a East Lungdar leh Khawzawl inkar Line enchhin a nih dawn avang hian hemi ni hian he line-in a kaltlang khua E.Lungdar, Biate, Sialhawk, Khawhai, Chalrang, Chawngtlai leh Khawzawl khaw mipute chu tower leh line hnaiha awm lo tur leh line khawih phak thing/mau kit lo turin Khawzawl Power Division chuan a ngenin a hriattir a. Hemi hun chhunga spark emaw, thawm danglam hria an awm chuan SDO/JE (Phone No.9862382628/8731889015) te hnenah hriatir vat tur a ni ang.

East Lungdar leh Khawzawl inkar-a 132 kV Line thlun a nih avang hian electric hruipui hnaih leh dinhmun hlauhawma awm thei a ngaih Sialhawk Dinthar Veng-a Vanlalniliana In sak mek chu nimin khan thiah a ni a, In sak mek hian 132 kV Line a hnaih lutuk avangin chhiatna thleng thei reng a ni tih Power & Electricity Department Khawzawl chuan Khawzawl DC hnenah an thlen a, report bawhzuiin Khawzawl District Disaster Management Authority chuan Disaster Management Act, 2005 tlawhchhanin In hi thiat turin thutlukna a siam ta a ni. In thiah sak tak Vanlalniliana tanpui nan hian K. Duhsanga Sr. EE, Khawzawl Power Division chuan tanpuina pawisafai a pek bakah, Khawzawl DC Office pawhin SDRF kaltlangin tanpuina pawisafai an pe bawk a ni.

Tarlan tawh thin angin Aizawl Zuangtui atang hian Mizoram chhim lam leh khawchhak lam te hian Power Supply hi an dawng thin a, Zuangtui atang hian Serchhip Bukpui-ah 132 kV Line a kal bakah khaw-chhak lam pekna atan Saitual kaltlangin 132 kV Line thlun a ni bawk a. Heng Line te a chhiat chang hian a tuartu an tam thin avangin Zuangtui atang hian Melriat kaltlangin Lunglei lamah 132 kV Line hi thlun niin he Line kaltlang hian Zuangtui lam atangin Serchhip pawhin Power a dawng thei tawh a, tuna enchhin tur East Lungdar pekna Line hi peihfel a nih chuan khawchhak lam khua te tan a tangkai thei hle dawn bawk a ni.

Comments

Chhiar Hlawhte