Latest News

Zirtirna atan Educational Technology zirho a ni

Hripui len laia Online-a naupang zirtirna atan Educational Technology hman tangkai dan inkawhhmuhna Webinar chu nizan hmasa khan neih a ni.

Human Resources Development Board bultuma Middle School leh High School Science leh Mathematics zirtirtute tana Webinar buatsaih hi School Education Secretary, Dr. Lalzirmawia Chhangte chuan hmanpuiin hripui leng avangin hun rei tak Class pangngai neih theih a ni lo tih sawiin, naupang zirtir nan Technology-ah a innghah loh theih lova, Technology hi hman thiam dan a inchen loh avangin thiamna leh experience te inhrilhhriat tawn a ngai ta hle a ni,” a ti a. Hripuiin eng chen nge nunphung a tihbuai dawn tih a hriat loh thu pawh sawiin, hripui a kian hnuah pawh Educational Technology tel lovin a kal theih dawn tawh loh thu leh tunlai thiamna hman tangkai chu naupang zirtir nan hmanraw hriam leh tih makmawh a nih thu a sawi bawk.

He Webinar hi School Education Director James Lalrinchhana chuan kaihruaiin mi thiam ten thupui hrang hrang hmangin thu an sawi a, Science leh Mathematics zirtirtu 800 chuang telin nizan khan chhunzawm leh a ni bawk.

Comments

Popular News (Last 30 Days)