Latest News

Hri kai 44 hmuh belh an ni



Nimin khan Serchhip District-ah COVID-19 hri kai mi 44 hmuh belh niin mi 26 enkawl dam an awm thung.     Hriat theih chinah nimin a Serchhip District chhunga hri kai hmuhchhuah te zinga mi 18 te hi Serchhip khawpui chhung Veng  hrang hrang ami te an ni a, Keitum-ah hri kai mi 17 leh Thenzawl-ah hri kai mi 9 hmuh an ni.
    Nimin khan Serchhip District-a hri kai mi 26 te chu enkawl dam niin anmahni enkawlna hmun atanga chhuahtir an ni a, an zinga 13 te chu Nursing School CCC atanga chhuahtir niin 4C Marian H/S atangin mi 7 chhuahtir an nih bakah East Lungdar-a 4C atangin mi 3, IAH Thenzawl atangin mi 2 leh In lama hri kai enkawl mi pakhat chhuahtir an ni.
    Heti hian Serchhip District-a hri kai hmuhchhuah chu 1727 ni tawhin an zinga 1179 te enkawl dam an ni tawh a, hrikai enkawllai 545 an la awm mek a ni. Tunhnaia Nursing School CCC-a awm, chetsual vanga boral chu Discharged ah dah niin hri kai boral mi 3 an awm tawh a ni.

Comments

Chhiar Hlawhte