Serchhip District-ah hri kai hmuh belh zel an ni

Serchhip District-ah COVID-19 hri kai hmuh belh zel niin nimin khan hri kai mi 45 hmuh belh leh an ni.

Hriat theih chinah nimin khan Serchhip Town chhungah COVID-19 hri kai mi 34 hmuh belh leh an ni a, Serchhip Vengchung leh Hmar Veng-ah hri kai mi 7 ve ve hmuh niin Field Veng-ah hri kai mi 6 hmuh niin Chhim Veng-ah hri kai mi 5 hmuh an ni bawk a, Tuikhuah Veng-ah hri kai mi 3 hmuh niin P&E Veng leh Bazar Veng-ah hri kai mi 2 ve ve hmuh niin IOC Veng leh Dinthar Veng-ah hri kai mi pakhat ve ve hmuh an ni bawk.

Heng bakah hian nimin khan Thenzawl ah hri kai mi 3 hmuh niin Keitum-ah hri kai mi 3 bawk hmuh an ni a, Chhingchhip-ah hri kai mi 2 hmuh niin nimin lama tarlan hmanloh East Lung-dar-ah hri kai mi 5 leh Hualtu-ah mi pakhat te hmuhchhuah an ni bawk.

Serchhip District-a COVID-19 hri kai enkawl mi 6 te chu nimin khan anmahni enkawlna hmun atanga chhuahtir an ni ve leh bawk a, nimin a hri kai enkawl dam zinga mi 5 te hi IAH Then-zawl atanga chhuahtir niin Nusing School CCC atangin mi pakhat chhuahtir a ni bawk.

Heti hian nimin tlai thleng khan Serchhip District-a COVID-19 hri kai hmuhchhuah tawh chu 1326 niin heng zinga 1019 te chu enkawl dam an ni tawh a, tunah hian hri kai enkawllai 304 awmin hri kai zingah mi 3 in nunna an chan tawh bawk a ni.

Comments

Popular News (Last 30 Days)

Serchhip DCSO sawn a ni