MSU in MPCB Chairman bang turin an phut

Mizo Students’ Union (MSU) General Hqrs. chuan Mizoram Pollution Control Board (MPCB) Chairman R. Thanga chu bang tura ngenin September 24, 2021 thleng an ngaichang dawn tih an sawi.

MSU chuan MPCB Chairman tur atana Nodal Department, Environment, Forest & Climate Change-in Advertisement chhuah lo leh Search cum Selection Committee rawn miah lova appointment a siam chu dan palzutna lian tak nia an hriat thu an sawi a. Recruitment Rules siam danglama Central Ministry leh State dang pawhin an neih ve loh Essential Qualification and Experience dah tel a ni te chu tinzawn neisaa hna lakna ah an ngai tih an sawi a. Hengte avang hian MSU chuan thalai hna zawng mek leh zirlaite hma hun ngaihtuah a, Zopa taka châwl ngam turin MPCB Chairman chu a ngen tih sawiin, September ni 24, 2021 thleng an ngaihchan dawn thu leh, ram leh hnam tana thutlukna siam tura an chah thu thuchhuah siamin an tarlang bawk a ni.