Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

Restricted Area-ah puang

Serchhip District Bawrhsap chuan Serchhip Bazar Building leh a chhehvel chu hmun khuah-khirh bik (Restricted Area)-ah a puang.

Nimin a thuchhuah siama a tarlan danin Serchhip District Bawrhsap Lalmuansanga Ralte chuan Serchhip Bazar Building hnaia cheng ah COVID-19 hri kai hmuhchhuah a nih avanga Bazar building Area chu hri darh thei dinhmun ah a din avangin nimin tlai dar 5:00 atang khan Serchhip Bazar Building pumpui leh a kawtkai, Building hnuai-lam sa zawrhna huam te, Beat Office atanga Bazar Building lam hawi dawr leh Serchhip Bazar hmarlam Vantlang zun In chin te chu Restricted Area-ah puan a ni tih a tarlang a. Hemi Area a cheng te chu mahni In ah inkharkhip vek tur niin hemi chhunga dawr nei te pawh hawn phal a ni dawn lova, hemi zawmlo te chu Section 188 IPC hmanga hrem theih an ni ang.

Comments

Chhiar Hlawhte