Serchhip District-a hri kai hmuh tam ber ni a thleng

/

Nimin Sept. 13, 2012 khan Serchhip District-ah COVID-19 hri kai mi 94 hmuhchhuah niin Serchhip District-ah ni khat-a hri kai hmuh tam ber ni a ni.

Nimin a Serchhip District-a hri kai hmuhchhuah zinga mi 91 te hi Rapid Antigen Test hmanga hri kai hmuhchhuah niin Serchhip Veng hrang hrang ah hri kai mi 59 hmuh an ni a, Kei-tum-ah hri kai mi 17 hmuh niin Chhingchhip-ah 12 leh Thenzawl-ah hri kai mi 3 hmuh an ni bawk. Hei bakah hian TrueNat Laboratory-a Sample enfiah atangin hri kai mi 3 hmuh an ni bawk.

Pathianni khan Serchhip District-ah Rapid Antigen Test hmangin Sample 124 enfiah niin heng atang hian hri kai mi 12 hmuh an ni a, an zinga mi 9 te chu Keitum khua ami niin East Lungdar-ah 2 leh Serchhip IOC Veng-ah hri kai mi pakhat hmuh an ni.

Nimin khan Serchhip District-a hri kai te zingah mi 29 te enkawl dam an ni a, heng te hi Nursing School CCC atangin mi 10, East Lungdar-a 4C pahnih atangin mi 5 ve ve leh IAH Then-zawl atangin mi 5 bakah 4C Chhingchhip atangin mi 4 te an ni a. Heti hian Serchhip District-a hri kai hmuhchhuah tawh chu 1519 niin an zinga 1076 te chu enkawl dam an ni tawh a, tunah hian hri kai enkawllai 440 an awm mek a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »