East India Summit-2021 neih tan a ni

East India leh North East India-a State hrang hrang ten Economy leh Culture-a inkungkaihna nghet zawk an neih theih nana buatsaih ‘East India Summit-2021’ chu nimin khan neih tan a ni.

Confederation of Indian Industries (CII) buatsaih ‘East India Summit-2021’ ah hian State thenkhatte Economic Sector hrang hranga an Potential leh an tharchhuah te phochhuahna hun pek an ni dawn a, he Summit Special Focus chu Ports, Railways, Aviation leh Future mobility a ni. East India Summit-2021 in a tum chu India hmar leh hmarchhak hmasawna hrang hrang awm thei te haichhuaha chumi tihlawhtling theitu tur ram chhung leh ram pawna Agencies te dapchhuah a ni bawk.

October ni 7 thlenga awh tur East India Summit-2021 ah hian Bihar, Chhattisgarh, Jharkhand, Odisha leh West Bengal te bakah Hmar-chhak state - Assam, Mizoram, Odisha leh Tripura an tel dawn a, October 1-ah Mizoram telna hun buatsaihin Mizoram in potential a neih te phochhuahna hun atan hman a ni dawn a ni.