Serchhip District-a COVID-19 hri kai 1811 an tling ta

/

Serchhip District-a COVID-19 hri kai hmuh tawh zawng zawng chu 1811 an tling tawh.

Tunhnaiah Serchhip District-ah COVID-19 hri kai hmuhchhuah pung zelin Inrinni khan TrueNat Laboratory-a Sample enfiah 18 atangin hri kai mi 8 hmuh an ni a, P&E Veng mi 5 leh Ramthlun Veng mi 3 an ni. Rapid Antigen Test atangin Inrinni khan hri kai mi 59 hmuh ni bawkin Ser-chhip-ah 24 hmuh niin Thenzawl-ah 19, Chhiah-tlang-ah 7, East Lungdar leh Keitum-ah 2 ve ve leh Chhingchhip-ah hri kai mi pakhat hmuh an ni.

Nimin khan Serchhip District-ah hri kai mi 17 hmuhchhuah leh an ni a, nimin a hri kai hmuhchhuah zinga mi 11 te hi Thenzawl-a hri kai hmuhchhuah te niin midang 6 te hi Serchhip khawpui chhung Veng hrang hrang ami  an ni.

Inrinni khan Serchhip District-a hri kai te zingah mi 63 lai enkawl dam an awm belh a, nimin khan mi 18 enkawl dam leh ni bawkin nimin a hri kai enkawl dam zinga 9 te hi Nursing School CCC ami te an ni a, 4C Marian H/S leh 4C East Lungdar atangin mi 2 ve ve chhuah-tir niin DCHC, 4C UPC Kohhran Hall leh 4C Keitum atangin mi pakhat theuh chhuahtir an nih bakah In lama enkawl mi 2 chhuahtir an ni  leh bawk a ni.

Heti hian nizan thleng khan Serchhip District-a COVID-19 hri kai hmuhchhuah tawh chu 1811 niin an zinga 1259 te chu enkawl dam an ni tawh a, tunah hian hri kai enkawllai 549 la awmin hri kai zingah mi 3 an boral tawh bawk a. Serchhip District-a hri kai hmuhchhuah zingah mi pahnih te chu ZMC-ah enkawl an ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »