Muallungthu-ah Phullem phahna tur lungphum phum

/

Mizoram Sawrkar in Khelo India Scheme hnuaia Khelmual-a Phullem a phah tur atan nimin khan MSSC Complex, Muallungthu-ah lungphum phum a ni.

Nimin-a lungphum phumna hun ah hian khuallian Aizawl South-III bialtu MLA Prof. F. Lalnunmawia chuan thalai infiamna lama tui mite tuihalna phuhru tura Chief Minister Zoramthanga kaihhruaina hnuaia Sports Minister Robert Romawia Royte leh Sports, Youth Affairs, ICT & Tourism Development Board hmalakna fakawma tih thu sawiin, “Vawiin-a lung kan phum hi Central Sawrkar in 'Khelo India Scheme' sum atanga Sports Infrastructure siamna tur atana a sanction a ni a, thil dang atana hman theih a ni lo a, hrileng dona leh hmasawnna hna thawhna tur chu a hrangin a kal a ni,” a ti.

Mizoram State Sports Council Complex, Muallungthu hmuna Synthetic Football Turf siamna tur atan hian Khelo India Scheme, Ministry of Youth Affairs & Sports, Govt. of India chuan cheng nuai 500 a pawmpui tawh a, he hna thawk tur hian Décor India, Guwahati te thlan niin, Work Order pawh pek an ni tawh a ni.

Comments

Post a Comment

Popular News (Last 30 Days)

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »

END leh SADS in Heroin man

/
Image
Serchhip-a Excise & Narcotics Department leh Serchhip Sub-Hqrs. YMA Anti-Drug Squad te chuan nimin zing dar 9:30 vel khan Chhiahtlang dai, Lamchhip kawng (Darzika Road) peng-ah Heroin nia hriat Hawng 10 an man a, heng ruih-hlo an man hi gram 119.46-a rit niin a neitu nia hriat Lalchhanhimi (47), Chhiahtlang Hmar Veng nia insawi pawh manin thubuai siam sak nghal a ni. Heng damdawi te hi chawhmeh (thlai rah) karah thuhruk a ni.
Kimchang zawkin »