Hri kai thar 33 leh enkawl dam 43 awm belh

Zonuna Kawlni /

Nimin khan Serchhip District-ah COVID-19 hri kai mi 33 hmuh belh leh niin mi 43 zet enkawl dam an ni thung.

Nimin a Serchhip District-a hri kai hmuhchhuah thar te hi Serchhip khawpui chhung ami leh Thenzawl-a hri kai hmuh niin TrueNat Laboratory-a Sample enfiah result hriat hman a ni lo thung.

Serchhip District-a COVID-19 hri kai hmuhchhuah an pun lai hian enkawl dam pawh pung ve zelin nimin khan mi 43 lai enkawl dam an awm a, an zinga 21 te chu 4C Chhingchhip atanga chhuahtir te niin midang 16 chu 4C Kei-tum atanga chhuahtir an ni a, IAH Thenzawl leh In lama hri kai enkawl mi 2 te enkawl dam an nih bakah Nursing School CCC leh DCHC atangin mi pakhat ve ve enkawl dam an ni bawk.

Heti hian nimin tlai dar 5:00 thleng khan Serchhip District-a hri kai hmuhchhuah chu 1953 niin an zinga 1400 te chu enkawl dam an ni tawh a, tunah hian hri kai enkawllai mi 550 la awmin hri kai zingah mi 3 an boral tawh bawk a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »