Latest News

Cricket Final khel dawn

Cricket Association of Serchhip District in an buatsaih, Serchhip District Cricket League vawi khatna chu Vawiin chhun dar 12:00 hian Final khelh a ni dawn ta a, Tuikhuah Veng CC leh AO3C ten Final hi an khel dawn a ni. He inkhel hi TV lamah en theih tura pekchhuah leh a ni dawn a ni. Vawiin a Final khelh hi Cricket Association of Mizoram hotute pawhin an rawn hmanpui dawn a ni.

PHE Department E-in-C in Tui lak hnathawh a tlawh

Thenzawl leh Neihloh khaw mipui chawmna tur PHE Department ten Tui lak hna an thawh mek chu nimin khan PHE Department Engineer-in-Chief Er. C. Lalremsiama chuan a hmunah kalin a enfiah.

Helai hmun tlawhtu PHE Engineer-in-Chief hi PHE Serchhip WATSAN Division-a Sr. EE, Er. F. Lalsanglura leh Sr. SDO, Er. Samuel LR. Ralte te chuan tawiawmin an hnathawh dan an hrilhfiah a. Thenzawl mipui chawmna tur NABARD sum cheng nuai 511.96 hmanga Thenzawl Vengthar-a Vanva lui khuah Pump-na tur hnathawh mekah hian Raw Water Structure te, Water Treatment Plant te, Rising Main leh Tui dahkhawlna tur tuizem lian siam hna te thawh chhoh tan mek a ni a. Vanva Tui Pump hmang hian Thenzawl mipui tan nitin tui litres 240,000 pe chhuak tura duan a niin, hei hian Tui harsatna a tih ziaawm ngei beisei a ni a, he tui pump chhuah a nih hnuah chuan tuna Gravity awmsa nen mipui tan Tui Connection pawh hawn leh thuai beisei a nih thu PHE Department hotute chuan an sawi.

Neihloh khuaa Nizung chakna hmanga mipui tana a thlawna Tui pekna tura ruahman, Neihloh Solar Based Pipe Water Supply Scheme hi cheng vbc. 1.86 senga thawh niin hemi atan hian Tuifar lui chu pump tum a ni a, Solar Power Plant 7.5 kW bun a niin, Neihloh khuaa chhungkaw tin hnenah tui comnection a thlawna vuahsak vek an ni tawh a, tun dinhmunah chhungkaw 73 hnenah Tui connection hi pek ni tawhin, mipui leh Sawrkar hmun pawimawhah te pawh Connection hi pek vek an ni tawh a. Village WATSAN Committee ten enkawl zuiin a enkawl zuina atan Tui Bill te pawh a rem angin an siam dawn a ni.

Comments

Chhiar Hlawhte