Latest News

Sawrkar School-a ruahtui khawlna tur buaipui

Mizoram-a sawrkar School zawng zawnga ruahtui khawlna siamna tur Project thehluh tawh chu School Education Minister chuan New Delhi-ah a bawhzui.

School Education Minister Lalchhandama Ralte hian hemi chungchang ah hian Inrinni zing khan Union Minister for Jal Shakti, Gajendra Singh Shekhawat chu a chenna In-ah hmuin Mizoram in Fur laiin ruahtui thahnem tak dawng thin mahse, a dahkhawlna tur a awm loh avangin kumtluan in tui thianghlim in tlak a awm thei thin lova. Tui thianghlim in tlak School-a a awm that chuan chawchhun atan te, kut silfaina atan te, inthiarna atan te leh School-a nunphung hrisel leh fai neihna atan a tangkai hle dawn tih a sawi a. Minister-in Union Minister hnena a thlenah chuan Govt. Primary School 1297, Govt. UPS 947, Govt. High School 290, Govt. Higher Secondary School 20, a vaiin School 2554 tan ruahtui khawlna senso tur a thlen a ni. School Education Minister-in a thu thlente hi Jal Shakti Minister chuan lo bawhzui a nih tur thu a lo hrilh tih sawrkar thuchhuah chuan a tarlang a ni.

Comments

Chhiar Hlawhte