Latest News

Hri kai 39 hmuh belh leh

Nimin khan Serchhip District-ah COVID-19 hri kai mi 39 hmuhchhuah belh leh niin hri kai te zingah mi 12 enkawl dam an ni bawk.

Nimin a Serchhip District-a hri kai hmuhchhuah zinga a tam zawk te hi Serchhip khawpui chhung ami te niin Vengchung-ah hri kai mi 12 lai hmuh belh leh an ni a, Tuikhuah Veng leh AOC Veng-ah hri kai mi 4 ve ve hmuh an nih bakah Ramthlun Veng, New Serchhip leh Dinthar Veng-ah hri kai mi 3 theuh hmuh an ni a, IOC Veng-ah hri kai mi pahnih hmuh niin Chhim Veng-ah hri kai mi pakhat hmuh a ni bawk. Serchhip Town pawn lamah Keitum ah hri kai mi 3 hmuh niin East Lungdar-ah pahnih leh Chhingchhip leh Thenzawl-ah hri kai mi pakhat ve ve hmuh an ni bawk.

Serchhip District-a hri kai hmuh an pun mek lai hian hri kai enkawl dam pawh an pung ve zel a, nimin khan hri kai mi 12 te chu enkawl dam ni ve lehin heti hian nimin tlai dar 5:00 thleng khan Serchhip District-a hri kai hmuhchhuah chu 2332 an tling tawh a, an zinga 1784 te chu enkawl dam ni tawhin tunah hian hri kai enkawllai 547 an la awm a, hri kai zingah mi 4 an boral tawh bawk a ni.

Comments

Chhiar Hlawhte