Hri kai 76 zet hmuh belh

/

Nimin khan Serchhip District-ah COVID-19 hri kai mi 76 zet hmuhchhuah niin Serchhip District-ah ni khat-a hri kai hmuhchhuah an tam ber ni nia hriat a ni.

Serchhip CMO Office atanga thu kan dawn danin nimin-a Serchhip District-a hri kai hmuhchhuah mi 76 zinga 55 te hi Ser-chhip Town chhung ami te niin Bazar Veng-ah 13, Bilzel Veng-ah 12, Tuikhuah Veng-ah 11, Field Veng-ah 10 leh P&E Veng-ah 3 bakah Saron Veng, New Serchhip, IOC Veng, Vengchung, Chanmari Veng leh Dinthar Veng-ah mi pakhat theuh an ni.

Heng bakah hian Thenzawl-ah hri kai mi 15 hmuhchhuah niin an zinga mi 9 te hi Thenzawl khua niin midang 6 te hi Buangpui khua an ni thung a, Thenzawl khaw mi tho pakhat chu Serchhip-ah hri a kai tih hmuhchhuah a ni bawk a, Chhingchhip-ah hri kai mi 3 hmuh ni bawkin East Lungdar-ah hri kai mi pahnih hmuh an ni bawk.

Nimin khan Serchhip District-a hri kai enkawl mi 8 te chu enkawl dam niin anmahni enkawlna hmun atanga chhuahtir an ni ve leh bawk a, hri kai enkawl dam te hi Nursing School CCC atangin mi 5, IAH Thenzawl atangin mi pahnih leh Chhingchhip atangin mi pakhat te an ni. Heti hian nizan thlenga Serchhip District-a hri kai hmuhchhuah chu 1193 an tling ta a, hri kai zinga mi 988 te chu enkawl dam an ni tawh a, tunah hian hri kai enkawllai mi 192 awm mekin hri kai zingah mi pathum an boral tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »