MPCB Chairman banna la ngaihtuah lo

Mizoram Pollution Control Board (MPCB) Chairman R. Thanga banna thehluh chu pawm leh pawm loh chungchang ngaihtuah a la ni lo.

Environment Forest & Climate Change (EF&CC) Principal Secretary Liandawla IFS chuan MPCB Chairman banna thehluh chungchangah hmalakna an la nei thei rih lo tih sawiin, banna lehkha erawh an dawng ngei tih a sawi. EF&CC Principal Secretary chuan banna thehluh pawm a nih chuan MPCB Chairman lak dan tur Recruitment Rules (RR) a awm tawh vangin chumi ang a hnalak kalpui a nih tur thu a sawi bawk.

Kumin September 7-9 inkara Assembly Session neihah EF&CC Minister chuan kum 2020 hmalam ah MPCB Chairman tan RR a awm loh avangin a ruatnaah tehfung a awm loh thu a lo sawi tawh a, kumin July ni 30 khan Official Gazette ah notification chhuahin RR siam a nih tak thu House a lo hrilh tawh bawk a ni.