Hripui do chungchangah Chief Minister leh Health Minister ten Dawhkan khat kilin hma la se duh

/

ZPM Party chuan hripui leng chungchangah Chief Minister chuan a mawhphurhna a hlen zo lo nia sawiin, Health Minister pawhin a thusawi a umphaklo chu pawi an ti takzet tih an sawi a. Chief Minister leh Health Minister te chu Dawhkan khat kilin hma la se an duh thu an sawi bawk.

Nimin-a thuchhuah an siamah ZPM chuan Covid hri vei enkawlna tur bik damdawi In, Covid Dedicated Hospital (CDH) atana ruahman chu nimin khan an Party hruaitu ten an tlawh tih sawiin, Covid enkawlna hmun buatsaihna kawnga sawrkar hmalakna te a vuaicha hle ah an ngai tih an sawi a. Kumin August 6 khan ZPM General Hqrs. hruaitute leh Aizawl South-II bialtu MLA te chuan an lo tlawh tawh thu leh Khum 110 awm theihna tur, Salem, Mualpui-a peih hnaivai ber tur anga lang chu thlakhat hnuah pawh an pamtul titih niin alang hial niin an sawi a. “July ni 31, 2021 khan Health Minister in ZMC zauhna karkhat chhungin kan peih hman dawn tih thu a sawi a. Thlakhat hnuah pawh heti mai hi ala nih avangin Health Minister hian a thusawi a umphak lo hi pawi kan ti takzet a ni,” an ti.

Mizoram sawrkarin COVID-19 a do danah rawtna leh thurawn vawi tam tak ZPM chuan a siam tawh tih pawh sawiin, khawvel tibuaitu anih avangin hmingthat lakna ringawt ngaihtuah lova theihtawp a do tur te, Budget siamthat a tul thu te leh thawktu indaihlohna phuhruk a ngaih thu te an sawi tawh thin tih an sawi a. Chu mai ni lovin ZPM Leader in RT-PCR khawl leina thawh a inhuam thu te pawh a thlen tawh nia sawiin, hripui do kawngah hian mipui avang talin Chief Minister leh Health Minister hian dawhkan khat kilin hma la se an duh tih an sawi a, “Hripui hi sawifel mai theih ni lovin tih takzet a do ngai anih avangin kan rawtna leh thurawn te an pawm duh lo anih pawhin mipui tawrhna avang tal pawhin dawhkan khat kilin hma la dun turin kan ngen tak meuh a ni,” an ti.

ZPM chuan Hripui leng chu Disaster a ni tih sawiin, “Hemi thu-ah hian Chief Minister hi State Disaster Management Authority hotu ber a nih anga hma la tawk lo leh ngaihtuah tawk lovah kan ngai a. A mawhphurhna hlen zo lovah ZPM chuan a ngai a ni,” an ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »