Latest News

NE-ah Serchhip District in 5-na a hauh

United Nations (UN)-in a kalpui mek Sustainable Development Goal (SDGs) ‘Agenda 2030’ an tih bawk tihhlawhtlinna kawnga North East District hrang hrangte thlen chin tarlannaah Serchhip District chu 5-na a ni.

Tunhnai khan NITI Aayog, Ministry of DoNER leh United Nations Development Programme (UNDP) tangkawpin an buatsaih Sustainable Development Goals (SDGs) tih hlawhtlinna kawnga India hmachhak State pumpui District hrang hrangte dinhmun zirchianna, North Eastern Region District SDGs Index & Dashboard 2021-22 report tihchhuah a ni a. He Index Reportsiam tum khatna-ah hian tehfung hrang hrang 84 hmangin North East District 103 bihchian a ni a. State pumpuiah Sikkim chuan dinhmun pakhatna a hauh a, Tripura in dawtin Mizoram chuan dinhmun pathumna a hauh thung a ni. District 103 zingah East Sikkim District chuan dinhmun pakhatna a hauh a, Serchhip District chuan dinhmun 5-na a hauh pha a ni.

Comments

Chhiar Hlawhte