Latest News

Sawrkar laipui-ah zirna lama mamawh te thlen

School Education Minister Lalchhandama Ralte in sawrkar laipui hotute hnena a thlen angin Hindi Teacher 314 lakna tur leh Myanmar atanga raltlan naupangte zirna tur pek remtih a ni.     Nimin khan School Education Minister Lalchhandama Ralte chuan Ministry of Education, Department of School Education and Literacy-a Secretary nita Karwal hmuin Mizoram zirna atana thil pawimawh chi hrang hrangte a thlen a, School Education Minister thu thlen Hindi Teacher 314 lak thar chu trained chauh lak rem a tih thu Secretary chuan lo hrilhin, ram thenawm Myanmar atanga Mizoram chhunga Mizo unau raltlan naupang ten zirna an chhunzawm theih nan an mamawh pek an nih tur thu Minister hi a hrilh nghal bawk.
    School Education Minister Lalchhandama Ralte chuan Anita Karwal hnenah hian Mizoram in tun dinhmunah ram thenawm atangin raltlan thahnem tak an neih thu leh heng zingah hian School kal rual naupang thahnem tak an awm thu te, heng mite hi nitin an la pun zel thu leh Mizoram-a zirna an chhunzawm theih nan hma an lak tawh thu te sawiin, heng raltlan naupangte tan hian chaw chhun, a thlawna zirlaibu leh uniform te Ministry of Education-in ngaihtuahsak turin a ngen a. Anita Karwal hian raltlan naupang te dinhmun tarlanna data hi pe tur leh chumi mila chhawmdawlna an lo pek tur thu a hrilh a ni.

Comments

Chhiar Hlawhte